راولپنڈی(دیس نیوز) ریجنل پولیس آفیسر راولپنڈی ریجن سید خرم علی نے محکمہ پولیس سے ریٹائرڈہونے والے افسران کے اعزاز میں ریجنل دفتر میں الوداعی تقریب کا اہتمام کیا، ریٹائرڈ ہونے والے افسران ڈی ایس پی آر آئی بی خالد ملک، سب انسپکٹر غلام محمدکی الوداعی تقریب میں ایس ایس پی آرآئی بی، ایس ایس پی لیگل، اے ڈی آئی جی سمیت ریجنل آفس کے برانچ انچارجز و دیگر سٹاف نے شرکت کی،شرکاء نے ریٹائرڈ ہونے والے افسران کی پیشہ وارانہ صلاحیتوں کو سراہتے ہوئے خراج تحسین پیش کیا، آر پی او راولپنڈی نے ریٹائرڈ ہونے والے افسران کے لیے نیک تمناؤں کا اظہار کرتے ہوئے کہا کہ آپ کی محکمہ پولیس کے لیے گراں قدر خدمات کو اداراہ قدر کی نگاہ سے دیکھتا ہے آپ کا ڈیپارٹمنٹ کے ساتھ تعلق کبھی بھی ختم نہیں ہو گاآپ ہمیشہ اس فیملی کا حصہ رہیں گے،آر پی او سید خرم علی تفصیلات کے مطابق ریجنل پولیس آفیسر راولپنڈی ریجن سیدخرم علی نے ریجنل دفتر میں تعینات ڈی ایس پی آر آئی بی خالد ملک اور سب انسپکٹر غلام محمد کی محکمہ پولیس سے ریٹائرمنٹ ہونے پر انکے اعزاز میں ریجنل دفتر میں الوداعی تقریب کا اہتمام کیا۔الوداعی تقریب میں ریجنل پولیس آفیسر راولپنڈی ریجن سید خرم علی، ایس ایس پی آر آئی بی عارف شہباز خان، ایس ایس پی لیگل عبد الفاروق، اے ڈی آئی جی ملک نعیم سمیت ریجنل آفس کے برانچ انچارجز ودیگر سٹاف نے شرکت کی،ڈی ایس پی آر آئی بی خالد ملک 3مارچ 2024کو جبکہ سب انسپکٹر غلام محمد آ ج سروس کی معیاد پوری ہونے پر محکمہ پولیس سے ریٹائرڈ ہو گئے ہیں، اس موقع پرشرکاء تقریب نے دونوں افسران کی محکمہ پولیس کے لیے طویل عرصہ تک قابل قدر خدمات کو سراہتے ہوئے نیک تمناؤں کا اظہار کیا،ریجنل پولیس آفیسر راولپنڈی ریجن سید خرم علی نے اس موقع پرگفتگو کرتے ہو ئے کہا کہ آپ نے اپنی زندگی کا طویل اور قیمتی حصہ محکمہ پولیس میں اپنی خدمات سرانجام دینے میں صرف کیا آپکی خدمات کو محکمہ پولیس ہمیشہ قدر کی نگاہ سے دیکھتا ہے آپ کا ڈیپارٹمنٹ کے ساتھ تعلق کبھی ختم نہیں ہوگا،محکمہ پولیس کے لیے آپ ایک قیمتی اثاثہ ہیں آپ کے تجربہ اور خدمات سے محکمہ آئندہ بھی مستفیدہوتارہے گا،آر پی او نے مزید کہا کہ آپ کی آنے والی زندگی میں آپ کو کسی قسم کے مسائل کا سامنا کرنا پڑے تو آپ ہمارے دروازے ہمیشہ کھلے پائیں گے۔ آر پی اوراولپنڈی سید خرم علی نے دیگر سٹاف کے ہمراہ ریٹائرڈ ہونے والے دونوں افسران کو بہترین خدمات کے صلہ میں اعزازی شیلڈز بھی دیں۔
