راولپنڈی (دیس نیوز)
عوام پاکستان پارٹی راولپنڈی و اسلام آباد شعبہ خواتین کی کنوینرز نے کہا کہ خواتین کی شمولیت کے بنا پاکستان کی ترقی ممکن نہیں۔عوام پاکستان پارٹی میں خواتین کو واضح نمائندگی کا حق دیا جائے گا۔
یہ بات عوام پاکستان پارٹی اسلام آبادکی کنوینر زنیرا ملک اور راولپنڈی سٹی کی کنوینر ثمینہ شعیب نےاپنے مشترکہ بیان میں کہی۔زنیرا ملک اور ثمینہ شعیب نے کہا کہ جدو جہد آزادی سے لے کر پاکستان کی ترقی میں خواتین کا کردار مثالی رہا ہے۔ان کا مزید کہنا تھا کہ خواتین پاکستان کی تعمیر وترقی میں درخشاں باب کی حیثیت رکھتی ہیں۔خواتین پاکستان کی مساوی شہری ہونے کے ناطے عام انتخابات لڑنے اور قومی، صوبائی اور مقامی سطح پر کسی بھی عوامی عہدے کے لیے بلا امتیاز منتخب ہونے کے لیے آزاد ہیں۔ عوام پاکستان پارٹی خواتین کی تعلیم و تربیت اور صحت کو اہمیت دیتی ہے۔ہماری ترجیحات کی تکمیل خواتین کی موجودگی کے بنا ممکن نہیں۔انھوں نے کہا کہ عوام پاکستان پارٹی قانون ساز اداروں میں خواتین کی نمایاں نمائندگی کو یقینی بنانے میں اپنا کردار ادا کرے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
