6 دسمبر 2024
اسلام اباد( مرہم صدیقہ دیس نیوز )
نیشنل ہارٹی کلچر سوسائٹی آف پاکستان اور کیپیٹل ڈویلپمنٹ اتھارٹی (سی ڈی اے ) کے باہمی اشتراک سے جیسمین گارڈن اسلام آباد میں گل داؤدی کی 43 ویں اور سالانہ تین روزہ پھولوں کی نمائش منعقد ہوئی۔ 6 دسمبر سے شروع ہونے والی پھولوں کی نمائش 8 دسمبر بروز اتوار کو اختتام پزیر ہوگی۔اس موقع پر چئیرمین نیشنل ہارٹی کلچر سوسائٹی آف پاکستان ڈاکٹر پرویز احسن،ٹیکنیکل سیکریٹری آصف رزاق،سیکریٹری فواد ہاشمی،و مختلف مکتبہ فکر سے وابستہ افراد کی کثیر تعداد نے شرکت کی۔اس موقع پر عاصمہ اسماعیل بٹ نائب چیئرپرسن نیشنل ہارٹی کلچر سوسائٹی آف پاکستان نے بتایا کہ ادارہ کی جانب سے ہر سال پھولوں کی نمائش کا خصوصی اہتمام کیا جاتا ہے۔فطرت ہمیشہ سے انسانوں کی دلچسپی کا محور رہی ہے۔پھول اور سبزہ زار فطرت کی خوبصورت عکاسی کرتے ہیں۔اس نمائش میں پاکستان کی ثقافت کو منفرد انداز میں پیش کیا جائے گا۔جب کہ شرکاء کی دلچسپی کے لئے مزاحیہ خاکوں اور محفل موسیقی کا خاص اہتمام کیا گیا ہے ۔ان کا مزید کہنا تھا کہ پاکستان کے روایتی کھانوں پر مشتمل فوڈ سٹالز بھی لگائے گئے ہیں۔محترمہ عاصمہ اسماعیل بٹ نے سی ڈی اے کے چئیرمین محمد علی رندھاوا،و دیگر اداروں پی ایچ اے، پی اے ایف،اٹک ریفائنری ،سی سی بی،آر سی بی،این اے آر سی،ایریڈ،زیڈ ٹی بی ایل،کے آر ایل ودیگر اداروں کے منتظمین کے تعاون کا خصوصی شکریہ ادا کیا اور کہا کہ پاکستان فطرتی مناظر سے مالامال ہے۔اس طرح کی نمائش کا انعقاد نیشنل ہارٹی کلچر سوسائٹی آف پاکستان کی بہترین کاوش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
