راولپنڈی ( مریم صدیقہ دیس نیوز )
پاکستان مسلم لیگ ن کے ڈویژنل صدر یوتھ ونگ راولپنڈی نعیم پاشا نے کہا کہ نوجوان پاکستان مسلم لیگ ن کا ہر اول دستہ ہیں، آج پاکستان ایک مرتبہ پھر ترقی کی منازل طے کررہا ہے، مسلم لیگ ن کی نوجوان قیادتِ پاکستان کو عظیم سلطنت بنانے میں اپنی توانائیاں صرف کرے گی
انھوں نے یہ بات ممبر قومی اسمبلی بیرسٹر دانیال چوہدری کو وفاقی پارلیمانی سیکرٹری اطلاعات و نشریات نامزد ہونے پر مبارکباد پیش کرتے ہوئے کہی،پھولوں کا گلدستہ پیش کیا اور نیک خواہشات کا اظہار کیا،اس موقع پر یوتھ ونگ کے عہدیداران نے نعیم پاشا کی قائدانہ صلاحیتوں اور خدمات کو بے حد سراہا۔نعیم پاشا نے کہا کہ ن لیگ کے ساتھ بچپن سے شروع ہونے والا سفر آج نوجوانی میں بھی رواں دواں ہے۔ملک و پارٹی سے وفاداری میری اولین ترجیح ہے۔ ہر مشکل دور میں پاکستان کو مشکلات سے نجات دلانے میں ن لیگ کے ورکرز کا کردار نمایاں رہا ہے۔ن لیگ اور اس کے سپاہی پاکستان پر آنچ نہیں آنے دیں گے۔انشاء اللہ
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔