لاہور۔27جنوری (اے پی پی):ایگزیکٹوڈائریکٹر لاہور آرٹس کونسل الحمرا طارق محمود چوہدری نے کہا ہے کہ الحمرا میلوڈیز کے اقدام کے وقت جو اہداف متعین کئے تھے، اس سے بڑھ کر مثبت نتائج برآمد ہورہے ہیں۔انہوں نے کہاکہ الحمرا میلوڈیز کے تازہ ایڈیشن میں موسیقی کے ستارے پوری آب و تاب سے چمکتے رہے ہیں۔
مشہور و معروف گلوکار فیض میانداد کی مدبھری آواز الحمرا میلوڈیز میں نیا باب رقم کرگئی۔اسی طرح علی مولا، تو کجا من کجا،کالی کالی زلفوں و دیگر قوالیوں نے بھی پروگرام کو چار چاند لگادیئے۔
طارق محمود چوہدری نے کہاکہ الحمرا بک کارنر بھی الحمرا میلوڈیز کے ساتھ مستقل سگمنٹ بن چکا ہے جس سے کتاب کلچر کو فروغ مل رہا ہے۔